Transcription
1
Monsieur, ce jordhuy messieurs de Boqueron, Bally et Catinel avecq les consulz
2
et partie des principaulx de ceste ville se sont assemblés ceste après disnée
3
en mon logis pour donner ordre à ce quest necessaire de pourvoir en ceste ville ;
4
et parce quon a advertissement dheure à aultre que lennemy se faict bien fort,
5
et mesmes que le procureur Flory est arrivé ce jordhuy, qui nous a asseuré
6
que les forces de Montbrun et de Miribel remontent sahault et parce
7
quil nest aulcunes nouvelles que le seignor Carles vienne, il a esté
8
advisé que sil vous plaisoit escripre au comte de Beynes que sy on
9avoyt besoing de [barré : faire ] sa compagnye au premier mandement que nous
10
luy ferions, de faire remonté sa compagnye pour nous en servir en ce
11
que sera de besoing. Nous avons heu aultre advertissement que lennemy se
12
delibère soy venir saisir de Domaine et le fortiffier pour venir manger
13
les vivres de ceste valée. Nous recepvons dheure à aultre afforce advertissementz.
14
Quant à moy, je les prendz comme je doibtz, si esse que je ne laisse
15
de pourvoyr en ce lieu comme silz estoient veritables. Je ne
16
faudray vous tenir adverty de tout ce que se prosectera. Et en atendant,
17
ce quil vous plaira me comander, je finiray ceste par mes
18
humbles et affectionnez recomandations à votre bonne grace et prie le
19
Createur vous doner,
20
Monsieur, jay entendu quon na point pourveu au
21
château de Miribel et que monsieur de Montmartin
22
ne faict aulcun semblant de le faire garder.
23
Sy lennemy sen emparoit, il porteroit ung grand
24
domaige en tout ce païs. Il vous plaira men
25
faire entendre votre volanté, comme aussy à messieurs
26
du pays.
27
monsieur en parfaicte santé, très heureuse vie et longue. De Grenoble, ce XVE
28
fevrier 1574.
29
Votre très humble et aubeyssant
30
Servyteur
31
Lathivolliere